Nýjustu bækurnar okkar:
Jekyll-konan er þriðja skáldsagan eftir hjúkrunarfræðinginn Emmu Glass og sú fyrsta sem kemur út í íslenskri þýðingu. Fjallað er um Rósý Winter, leikskólakennara sem er í fyrstu ung, hraust og hamingjusöm en líf hennar umturnast þegar hún greinist með krabbamein sem reynist illvígt. Þessi sætsára, ímyndaða reynslusaga verður einkar ljóðræn og á köflum hrollvekjandi enda er – bara alls ekki á áberandi máta – ýjað að gotnesku sögunni sem Róbert Louis Stevenson skrifaði um Jekyll lækni og herra Hyde – einkum þegar sjúkdómurinn líkamnast, verður að kynæsandi en stórhættulegri konu sem kallar sig Nólu. Ragnar H. Blöndal þýddi.
Ljóðskáldið Ragnar H. Blöndal hefur getið sér gott orð fyrir skrif sín um ástir samkynhneigðra karlmanna – sjá t.d. ljóðabækurnar Óskalög hommanna (2022) og Sálmabók Hommanna (2023). Enn er skáldið við sama heygarðshornið, heldur áfram að gera sér leik að orðum og vitnar oft, stundum lymskulega, í heimsbókmenntir og trúarbrögð.