Hinsegin bækur
Hringaná gefur út hinsegin bókmenntir með stolti
Fokið í flest skjól (The Final Retreat) eftir Stephen Hough segir frá kaþólskum presti sem ánetjast kynlífi með hórdrengjum. Þetta er berorð saga og undirtónninn er togstreyta milli trúarkenninga og mannlegrar náttúru.
Stephen Hough er heimsþekktur konsertpíanisti. Að auki er hann tónskáld, listmálari og rithöfundur. Þetta er hans fyrsta skáldsaga.
Morð er morð er morð (Murder is Murder is Murder) eftir Samuel M. Steward
segir hvernig Gertrude Stein og Alice B. Toklas, eitt frægasta lesbíupar sögunnar, leysa morðmál.
Samuel M. Steward var prófessor í enskum bókmenntum en gerðist síðar húðflúrari og skrifaði hommaklámsögur. Hann skrifaði aðra bók, The Caravaggio Shawl, um Gertrude og Alice en hún hefur ekki verið þýdd á íslensku.
Maður einn (A Single Man) eftir Christopher Isherwood segir frá George, háskólaprófessor, sem nýlega hefur misst maka sinn, Jim, í bílslysi. Ævifélagi Isherwood var Don Bacardi og sagt er að sagan fjalli um hann sjálfan og hvernig hann hugsaði sér líf sitt missti hann Don.
Hringaná hefur gefið út fimm ljóðabækur eftir Ragnar H. Blöndal. Ragnar er eigandi Hringanáar á móti manni sínum Ara Blöndal Eggertssyni.
Skelfingin (The Terrible) eftir Yrsu Daley-Ward er berorð uppvaxtar- og þroskasaga Yrsu sem ýmislegt hefur starfað s.s. skrifstofustúlka, söngkona, fyrirsæta, kjöltudansari, fylgdarkona og ljóðskáld.